स्वराज्य वार्ता प्रतिनिधी अहमद अन्सारी
पाथरीतील श्रद्धा, संस्कार आणि समाजसेवेचं प्रतीक असलेल्या श्री कांच बसवेश्वर मठ संस्थान येथे इतिहास घडला — ग्राहक पंचायत महाराष्ट्रच्या पाथरी तालुका व शहराध्यक्षपदी नव्या नेतृत्वाची प्रभावी निवड होताच सेवाभाव, उत्साह आणि लोकविश्वासाने भारलेलं वातावरण निर्माण झालं.या भव्य बैठकीस ग्राहक पंचायत महाराष्ट्रचे जिल्हाध्यक्ष श्री धाराजी भुसारे व जिल्हा सचिव श्री अशोककुमार पवार प्रमुख पाहुणे म्हणून उपस्थित होते. त्यांच्या हस्ते श्री परमेश्वर शिंदे यांची पाथरी तालुकाध्यक्ष आणि श्री सुनील तळेकर यांची पाथरी शहराध्यक्ष म्हणून घोषणा होताच सभागृहात टाळ्यांचा गजर झाला. उपस्थित कार्यकर्त्यांच्या चेहऱ्यावर नवा आत्मविश्वास आणि संघटनेबद्दलची निष्ठा झळकत होती.
या प्रसंगी जिल्हा उपाध्यक्ष श्री देवलिंग आप्पा देवडे, जिल्हा कोषाध्यक्ष श्री नितीन पाटील, जिल्हा उपाध्यक्षा सौ. सुरेखा नाईकवाडे, श्री सुनील नाईकवाडे, श्री बालासाहेब (मामा) पांडे, अद्वैत कुमार मुळी, अनिल शिंदे आदी मान्यवरांची उपस्थिती कार्यक्रमाला विशेष भारदस्तपणा देणारी ठरली.
बैठकीदरम्यान ग्राहकांच्या हक्कांचे संरक्षण, अन्यायाविरुद्ध सजग लढा आणि समाजहितासाठी संघटनेची बांधिलकी अधिक दृढ करण्याचा निर्धार करण्यात आला. “ग्राहक हीच खरी ताकद आहे” या घोषवाक्याने संपूर्ण वातावरण भारावून गेले.कार्यक्रमाचा शेवट नव्या जोशात आणि आत्मविश्वासात झाला. श्री परमेश्वर शिंदे व श्री सुनील तळेकर यांच्या रूपाने पाथरी तालुक्यात ग्राहक पंचायतला नवसंजीवनी मिळाल्याची भावना सर्वत्र व्यक्त होत होती.
Author: मुख्य संपादक:- राहुल आवटे
संचालक :- कोमल दत्ता माळोदकर ____________________________________________ आवाज रयतेचा वृत्तपत्र स्वराज्याचे...!
