स्वराज्य वार्ता प्रतिनिधी चंपतराव डाकोरे
नांदेड शहरात जुना कौठा येथील श्री साईबाबा मंदिर सभागृह येथे दि.२६ आक्टो.२०२५ रोजी सकाळी १० वाजता आम्ही वारकरी परिवार सेवाभावी संस्थेकडून ऋणानुबंध सोहळ्याचे आयोजन करण्यात आले
नांदेड जिल्ह्यासह संपूर्ण महाराष्ट्रभर आम्ही वारकरी परिवार सेवाभावी संस्थेच्या माध्यमातून गत आठ वर्षांपासून विविध उपक्रम राबविले जात आहेत. यामध्ये ग्रंथराज ज्ञानेश्वरी पारायण, रक्तदान शिबिर,एक साधक एक वृक्ष या उपक्रमाबरोबरच पंढरपूर येथे वारकऱ्यांच्या निवासासाठी धर्मशाळा उभारण्याचे काम सुद्धा संस्थेने हाती घेतले आहे आणि त्या धर्मशाळेचा बांधकामास सुरुवातही झाली आहे. या संस्थेला अतिशय अल्पावधीमध्ये महाराष्ट्रभर पोहोचवण्याचं काम ज्या सदभक्तांनी केलं त्या सर्वांच्या प्रति ऋण व्यक्त करण्यासाठी संस्थेच्या वतीने दिनांक 26 ऑक्टोबर 2025 रविवार रोजी साईबाबा मंदिर सभागृह जुना कौठा नांदेड येथे ऋणानुबंध सोहळ्याचे आयोजन करण्यात आले आहे. त्याचप्रमाणे महाराष्ट्रातील विविध जिल्ह्यांमध्ये निवड झालेल्या नवीन पदाधिकाऱ्यांना नियुक्तीपत्रही त्याच दिवशी देण्यात येणार आहे. या कार्यक्रमाचे आयोजन संस्थेचे संस्थापक अध्यक्ष हभप राम महाराज पांगरेकर यांच्या सूचनेनुसार नांदेड जिल्हा उपाध्यक्ष श्री जगन्नाथ चक्रवार सावकार तथा नांदेड जिल्हा अध्यक्ष पंढरीनाथ महाराज मिरकुटे,सचिव बालाजी पा. शिंदे व समस्त नांदेड जिल्हा शाखा पदाधिकारी यांच्या वतीने करण्यात आले आहे.
असे प्रसिध्दी पत्रक आम्ही वारकरी परिवार सेवाभावी संस्था नांदेड महाराष्ट्र प्रसिद्धि प्रमुख चंपतराव डाकोरे पाटिल कुंचोलीकर यांनी दिले
Author: मुख्य संपादक:- राहुल आवटे
संचालक :- कोमल आवटे ______________________________________ आवाज रयतेचा वृत्तपत्र स्वराज्याचे...!
